Beijing Nasionale Stadion, amptelik die Nasionale Stadion[3] (Chinees: 国家体育场; pinyin: Guójiā Tǐyùchǎng; letterlik: "Nasionale Stadion"), ook bekend as die Voëlnes (鸟巢; Niǎocháo), is 'n stadion in Beijing. Die stadion (BNS) is gesamentlik ontwerp deur die argitekte Jacques Herzog en Pierre de Meuron van Herzog & de Meuron, projekargitek Stefan Marbach, kunstenaar Ai Weiwei, en CADG wat gelei is deur hoofargitek Li Xinggang.[4] Die stadion is ontwerp vir gebruik dwarsdeur die Olimpiese Somerspele en Paralimpiese Spele van 2008 en sal weer gebruik word in die Olimpiese Winterspele en Paralimpiese Spele van 2022. Die Voëlnes het soms ekstra tydelike groot skerms wat by die pawiljoene van die stadion geïnstalleer is.