A ponte da baía de Jiaozhou (ou ponte de Qingdao Haiwan) é unha ponte viaria de 26,7 km de lonxitude na provincia de Shandong, no leste da China, que forma parte do proxecto de conexión da baía de Jiaozhou, de 41,58 km.[1] O segmento continuo máis longo da ponte é de 25,9 km.[3], o que a converte nunha das pontes máis longas do mundo.
O deseño da ponte ten forma de T, cos principais puntos de entrada e saída en Huangdao e no distrito de Licang de Qingdao. Un ramal cara á illa de Hongdao está conectado mediante un intercambiador semidireccional en T ao vano principal. A ponte está deseñada para poder soportar terremotos severos, tifóns e colisións de barcos.
